!! थारी बोले जय जयकार, म्हारा श्यामधणी... !!

ओ म्हारा श्यामधणी, थारा द्वारा पर खड्या थारा टाबरिया थारे सु या अरज करे ह कि....

म्हारे हिवड़े री सुणज्यो पुकार, बाबा श्यामधणी...
थारा गुण गावां बारम्बार, म्हारा श्यामधणी...

भवन बण्यो थारो सोवणों, भगतां को मन मोवणों...
थारे बजे नगाड़ा द्वार, म्हारा श्यामधणी...

फाल्गुण सुदी ग्यारस ने, भगतां आवे थारे कने...

कोई देखण योग बहार, म्हारा श्यामधणी...



खाटू वाला श्याम जी, टाबरिया न मत भुलज्यो जी...

म्हाने थारो ही आधार, म्हारा श्यामधणी...



थारी म्हाने आस घणी,  सुणज्यो बाबा श्यामधणी...

थाणे ध्यावे यो संसार, म्हारा श्यामधणी...



करे कोई जो ध्यावना, पूरो मन की कामना...

थे तो करुणा रा भण्डार, म्हारा श्यामधणी...



बाबा थे ही मन की जाणो, थारे सु कांई छाणों...

थारी महिमा ह अपरम्पार, म्हारा श्यामधणी...



दास जान कृपा करज्यो, भगतां ने थे दर्शन दीज्यो...

गावे 'ताराचंद' हर बार, म्हारा श्यामधणी...



थारी बोले जय जयकार, म्हारा श्यामधणी...
थारी बोले जय जयकार, म्हारा श्यामधणी...



!! जय जय मोरवीनंदन, जय जय बाबा श्याम !!
!! काम अधुरो पुरो करज्यो, सब भक्तां को श्याम !!
!! जय जय लखदातारी, जय जय श्याम बिहारी !!
!! जय कलयुग भवभय हारी, जय भक्तन हितकारी !!

 भाव के रचियता : "स्व: श्री ताराचंद जी शर्मा"

 श्री श्याम बाबा का यह अनुपम दरबार की छवि  श्री साईं दर्शन मंदिर, मलाड, मुंबई की है...